Menu
MOUEZH BREIZH, LA VOIX DE LA NATION BRETONNE

Ar groaz keltiek


Rédigé le Jeudi 16 Mai 2024 à 11:56 | Lu 5 commentaire(s)



Ar groaz keltiek

IN WAR RAOK ! - N° 45 - Avril 2015

 

Leun-barr a arouezioù eo an hensevenadur keltiek : ar gwez, al loened, ar rod pe c'hoazh an tresoù a vez kinklet an armoù hag ar bravigoù ganto... Ar groaz keltiek avat eo an arouez splannañ ha klokañ eus ar gosmogoniezh.

Sellomp a-dostoc'h ouzh arouezelezh ar groaz keltiek. En eil milved a-raok H. S. e oa en em strewet ar Gelted (harozek ha kevrinus o amzer-dremenet) e kornaoueg Europa e-lec'h m'o doa degaset o gouiziegezh. Dalc'herien un diskuliadur kornôgel par da sevenadur ar Bibl e oant. Pa zegouezhas ar gristeniezh er gornaoueg e strollas an div awen-se en ur genaoz ez eo ar groaz keltiek ar gwellañ arouez anezhi. Unan eus arouezioù pennañ Mabden eo ar groaz, pell a-raok donedigezh ar gristeniezh. Adalek an trede kantved goude H. S. o doa kristenelezhioù keltiek Iwerzhon dispaket ster ar groaz kelc'hiet, kenaoz don ha rik etre an hengoun keltiek hag ar gristeniezh. Ar c'helc'h, hud ha selestiel war un dro, a ro korf d'an oabl ha brec'hioù ar groaz a zerc'henn ar peder elfenn : an aer, an douar, an dour an tan met ivez ar pevar avel, ar pevar c'houlz-amzer hag an doare m'o doa an Hengelted da rannañ an tiriad e pevar. Ar c'hreiz zo ul lec'h tremen ha kehent aroueziel etre ar bed-mañ hag ar bed all. Ar gweadurioù war troad ar groaz a eztaol lusk didermen emdroadur hag atroadur ar c'hozmoz hag an den. Kinklet e vez alies ar c'hroazioù keltiek gant gweadurioù ha skoulmoù a zo arouezioù buhez met ivez gant derc'hennoù an naer, arouez an azginivelezh.

Kavet e vez ar groaz keltiek e kalz a lec'hioù (beredoù dreist-holl) rag ar gristeniezh he deus adtapet dre ar groaz kristen (kroaz simpl) lod eus an arouezelezh « pagan ». Er groaz keltiek e kavomp ar genaoz eus derc'hennoù arouezel hon hendadoù. Kevrediñ a ra an amzer hag an egor.

Anvet eo « kroaz keltiek » abalamour ma oa deut er gouloù e broioù keltiek tramor, peurgetket e Kembre, Alba hag Iwerzhon. En ur vro geltiek all, Breizh, e vez kavet ivez.

Tri c'helc'h kengreiz (keñverioù an treuzkizoù anezho o vezañ 9, 27 ha 81) ha peder brec'h a ya d'ober ar groaz keltiek. Klotañ a ra ar c'helc'h brasañ (81) gant ar c'helc'h doueel pe Keugant ; an eil (27) gant kelc'h an treuztiriadurioù pe Abred ; Ar bihanañ (9) gant kelc'h ar gouloù pe Gwenved. An tri c'helc'h-se a arouez an hentoù a zle heuliañ an eneoù a-benn sevel betek ar barr uhelañ.

 

Eostig Pont-Eon.




Dans la même rubrique :
< >

Vendredi 17 Mai 2024 - 17:43 Sant-Maloù

Vendredi 17 Mai 2024 - 17:40 Le Corbeau et les Celtes



War Raok n° 69 - Printemps 2024


24/04/2024

Souscription permanente

Souscription permanente !

War Raok est une revue bretonne moderne libre et indépendante. 
War Raok affiche fièrement une attitude dissidente indispensable à l’éveil du peuple breton et à la renaissance d’une identité forte. 
War Raok
 c’est un véritable outil de démocratisation et de libération des esprits du formatage de l’idéologie unique.
War Raok c’est l’émancipation des intelligences, la voix d’une nouvelle résistance… le porte-drapeau de la nation bretonne.

Voilà le choix de la revue. Mais ce choix de l’indépendance, notamment financière, face au blocus de la presse aux ordres et de la police de la pensée, n’est pas sans conséquence. Sans moyens financiers, autre que la démarche militante des abonnés, le combat est inégal. Aussi, afin d’assurer une publication régulière et de qualité, l’ouverture d’une souscription permanente est le meilleur moyen de conforter la pérennité de notre existence.
Merci d’avance, Bretons et amis de la Bretagne, pour votre soutien.

 

Par courrier : WarRaok
50 bis avenue du Maréchal Leclerc
Appartement 203
35310 MORDELLES.


WR
24/04/2024

Facebook



Partager ce site
Facebook
Twitter
Mobile
Rss