Menu
MOUEZH BREIZH, LA VOIX DE LA NATION BRETONNE

E koun Yann Talbot


Rédigé le Vendredi 17 Mai 2024 à 09:07 | Lu 2 commentaire(s)



in War Raok ! - n° 52 - Septembre 2018

Marvet e oa Yann Talbot d'ar sul 13 a viz mae 2018 diwar un hirgleñved poanius ha beziet e bered ar Forlac'h e Lannuon. Leun-chouk e oa iliz Sant-Yann-ar-Vali evit e obidoù rak deredet e oa an holl Emsav eno eus pevar c'horn ar vro. Kaer e oa an oferenn ha fromus e oa klevout an iliz o tregerniñ gant ar c'hantikoù brezhonek kanet gant kantadoù a dud.

Ganet e oa bet e Lannuon e 1940. Savet e oa bet e galleg er gêr met kroget en doa da zeskiñ brezhoneg e skolaj Sant-Josef ha brezhoneg mat a zeskas. Sikouret e oa gant un endro brezhoneg bev-kenañ rak arabat eo disoñjal e oa Lannuon ar gêr vrezhonek diwezhañ. Betek ar bloavezhioù 1980 e veze klevet brezhoneg e pep lec'h hag e pep amzer er ruioù ha d'ar yaou, deiz ar marc'had, e veze beuzet kêr gant ar brezhoneg. 

Goude bezañ studiet an istor hag ar brezhoneg e Roazhon hag ar brederouriezh hag an doueoniezh en Añje e voe beleget e 1974 e Rostrenn. Chom a reas 30 vloaz eno, da gentañ evel kelenner armerzh ha brezhoneg e skolaj Kampostal ha c'houde evel kure ha person ar barrez. E 2001 e voe anvet da berson e Landreger hag e 2006, aet war e leve, e kavas repu e presbital Brelevenez.

E-pad e vuhez e labouras evit Breizh hag ar Feiz. Troet en doa e brezhoneg oberennoù skivagnerien estren brudet evel Jorge Luis Borges, William Faulkner, Franz Kafka, etc. Kenlabouret en doa ivez gant Fañch Kerrain, en ur skrivañ notennoù an daou levr Prederouriezh pe Philo-Sophia ha Keal Doue war-lerc'h Auschwitz. A bep seurt skridoù all en doa skrivet ivez, danevelloù ha barzhonegoù embannet gant Al Liamm pe Kannadig Imbourc'h. 

Ur prezegenner eus an dibab e oa. Un dudi oa klevout e sarmonioù distaget en ur brezhoneg sklaer ha kaer. Un diouer bras e vo evit ar vrezhonegerien gatolik, rak ne chom ket kalz a veleien ken distagellet hag eñ en hor yezh. Ur bern yezhoù all a anaveze ivez ha gant-se e oa barrek da brezegenniñ e meur a yezh, e kembraeg hag en alamaneg dreist-holl.

Karout a rae ober ivez war-dro ar re yaouank : aozañ beajoù en estrenvro ha kampoù katekiz evit ar vugale. 

Ra vo degemeret er Baradoz gant sant Erwan hag holl sent Breizh. 

 

An Deureugenn.




Dans la même rubrique :
< >

Vendredi 17 Mai 2024 - 17:43 Sant-Maloù

Vendredi 17 Mai 2024 - 17:40 Le Corbeau et les Celtes



War Raok n° 69 - Printemps 2024


24/04/2024

Souscription permanente

Souscription permanente !

War Raok est une revue bretonne moderne libre et indépendante. 
War Raok affiche fièrement une attitude dissidente indispensable à l’éveil du peuple breton et à la renaissance d’une identité forte. 
War Raok
 c’est un véritable outil de démocratisation et de libération des esprits du formatage de l’idéologie unique.
War Raok c’est l’émancipation des intelligences, la voix d’une nouvelle résistance… le porte-drapeau de la nation bretonne.

Voilà le choix de la revue. Mais ce choix de l’indépendance, notamment financière, face au blocus de la presse aux ordres et de la police de la pensée, n’est pas sans conséquence. Sans moyens financiers, autre que la démarche militante des abonnés, le combat est inégal. Aussi, afin d’assurer une publication régulière et de qualité, l’ouverture d’une souscription permanente est le meilleur moyen de conforter la pérennité de notre existence.
Merci d’avance, Bretons et amis de la Bretagne, pour votre soutien.

 

Par courrier : WarRaok
50 bis avenue du Maréchal Leclerc
Appartement 203
35310 MORDELLES.


WR
24/04/2024

Facebook



Partager ce site
Facebook
Twitter
Mobile
Rss